Paedes Reise-Blog
San Francisco 
Mittwoch, September 3, 2008, 04:47 AM
Geschrieben von Administrator
2.+ 3.Tag San Francisco-Mariposa-Yosemite-Tahoe

Bin am Samschtig vormittag richtig San Francisco gfahre han ca. 1 1/2 Std. brucht.In San Francisco hani welle inere Jugi Übernachte wo mis California-Reiseführer Buech vorgschlage hät isch aber leider usbuecht gsi.Dänn han mi uf de wäg an Hafe gmacht woni wiiteri Jugis und Hotel abklapperet han,d Jugis sind al usbuecht gsi und s Hotel hät rund 200.- kostet pro Nacht(isch ebe am Männtig Labor-DAY isch wie 1.Mai ide Schwiiz drum isch die ganz Stadt so usbuecht und voll gstopft gsi.200.- Dollar sind mer dänn doch chli z vill gsi drum han mi beschlosse d Stadt chli a zluege(han de 49mile Drive gmacht isch e usgschildereti Route wo mer verschideni Sache Goldengate Bridge etc.. aluege chan) und nacher wiiter richtig Yosemitepark fahre.Am 5i am abig han mi uf de wäg richtig Yosemite Nationalpark gmacht han 5 Std fahrt vor mir gha.Woni am halbi 11 am abig in Mariposa(isch ca.15km vom Natinalpark entfernt)acho bin hani wider imene Hotel wo min Reiseführer vorgschlage hät welle es Zimmer neh aber die sind usbuecht gsi und de Typ vom Hotel hät gseit ich müessi 60km zrugg fahre es hegi im ganze Dorf kei Hotelzimmer meh frei...hans em nöd welle glaube will ich bin recht müed gsi und het nüme möge 60km ide Nacht zrugg fahre.Also bini ines anders Hotel go fröge das isch zwar au usbuecht gsi aber die Frau vom Hotel hät mer en Zettel mit verschidene Hotels vom Dorf geh wo evtl.no freii Zimmer chöntet ha.Aber isch würkli s ganze Dorf usbuecht gsi,tja isch halt Laborday-Weekend.Bin aber so müed gsi das i numal zu dere Frau Retour bin und si gfrögt han öbs nöd e nöcheri möglichkeit git zum Übernachte,dänn hät si mir e Adresse vo einer geh wo ca 5 km entfernt e Residenz hät.Mit voller Hoffnig han mi uf de Wäg gmacht richtig dere Residenz han si zerscht nöd gfunde will si ganz abgläge uf dere Strass richtig Nationalpark isch, hät nur die Residenz und rundume nüt meh usert Natur.Woni acho bin han si nacheme Zimmer gfröget und sie hät gseit ich müessi gschnäll warte sie müessi no 2ne Gäst ihres zimmer zeige.Nach 15 Minute wo si wider cho isch hät si mir abote i ihrem Bett z schlafe und si schlafi uf em Sofa,hani natürli dankend agno.Isch zwar keis 4 Stern Hotel gsi aber han wenigstens es Bett gha für die Nacht.Woni is Badzimmer go Zähputze bin isch hinderem WC-Spüelkaste es Müsli füre z ränne cho,also isch no lustig gsi.
Keithy so hät die lieb Frau gheisse isch ca.50-60 Jahr alt gsi(isch die ufem Föteli)han mi herzlich bi ihre bedankt will si hät mi Gratis bi Ihre wohne la.
Sunntig morge früeh han mi uf de Wäg richtig Yosemite N.P.gmacht woni wunder schöni Ussichte han chöne gnüsse han nur ganz en chline Teil vom Park agluegt aber doch 6.Std verbracht, isch alles mit em Auto befahrbar gsi.am halbi 3 am Mittag han mi dänn uf dä weg richtig South Lake Tahoe gmacht isch 5std.entfernt gsi han also wider ä langi Autofahrt vor mir gah.Am 8 acho bini ines Motel go übernachte bin wider sehr müed gsi und han beschlosse am Männtig bis am 11i am morge zschlafe das i mal erholt bin.Im Motel hani uf minere Charte gluegt woni als nächstes ane will und han mi für de Redwood Nationalpark entschide.I dem Motel woni gsi bin heisst Motel6 das isch sone Motelketti in Amerika,also hani gluegt was am nöchste vom Redwood N.P.entfernt isch und bin uf Eureka gstosse(isch 25km vom N.P.entfernt ade Küste oberhalb San Francisco)Also han mi am Männtig morge uf de Wäg gmacht......
3 Kommentare ( 65 mal gelesen. )   |  Permanentlink   |   ( 3 / 38 )
Santa Cruz Sa.30.8.08 
Montag, September 1, 2008, 07:25 AM
Geschrieben von Administrator
2.Tag Santa Cruz California

Bin hüt morgä(Sa.30.8.) am 9i as Meer gfahre ad Santa Cruz Wharf(isch es grosses Pier mit Restaurant und Läde)dete hani zmorg gässe(Rührei mit Speck und Käse und Herdöpfel,so richtig gsund).Das Pier isch mega lang ca.500 Meter und underem Pier häts ganz vill Seehünd wo sich usruehed und ganz vill lärm mached(Han uf Facebook.com en Video inegstellt aber live ischs no lüter gsi).Nacher ischs mit em Auto ade Küste nah wiiter richtig Norde gange(isch leider au hüt nöd so schöns Wetter gsi) wo i Surfer Fotografiere han chöne.
kommentieren ( 44 mal gelesen. )   |  Permanentlink   |   ( 3 / 1825 )
Santa Cruz 
Samstag, August 30, 2008, 06:17 AM
Geschrieben von Administrator
Salü mitenand,
Han jetzt scho 8 Wuche in San Diego verbracht.Isch e Intressanti ziit gsi woni vill lässigi lüt känne glernt han.D schuel isch die Wuche z end gange und jetzt chunt mini Reiseziit dra.Bin hüt am morge Fr.29.Aug.am halbi 8 mit eme Mietauto vo San Diego abgfahre richtig San Francisco,nach 9 Stund und 800 km bini in Santa Cruz acho.Han da es Motelzimmer gno und wird morn wiiter richtig San Francisco fahre.Bin hüt scho mal gschnell am Meer gsi go luege was mi morn erwartet,aber han nöd vill gseh es hät leider Nebel gha.

Wird bis am 26.September ällei uf minere Reis si wo über,
San Francisco,Seattle,Washington,Montana,
South Dakota,Idaho,Utah,Arizona,Denver,Phoenix,Tucson und Retour uf San Diego gaht.Wird alles sehr spontan entscheide aber das isch mini Reiseroute woni ungefähr möcht mache...
Gahne am 26.September Retour uf San Diego woni no e wuche wird verbringe bevor i heichume.Ja Ziit gaht rächt schnell verbi für mich,han jetzt scho 2/3 hinder mir.Aber gnüsse jetzt zerscht mini Reis und dänn freui mi uf de 4.Oktober wänni wider heichume...
2542 Kommentare ( 21841 mal gelesen. )   |  Permanentlink   |   ( 3 / 1031 )
neuer Eintrag 
Sonntag, August 17, 2008, 08:11 PM
Geschrieben von Administrator


Hallo zämme han no paar neui Bildli ufeglade vo Mexico Tjiuana,Los Angeles,Universal Studios,Beverly Hills...usw.
müend nur uf de rechte Site uf Bilder klicke.

suscht gahts mer guet hoffe eu au,
Liebe Gruess Patrick
4722 Kommentare ( 178 mal gelesen. )   |  Permanentlink   |   ( 3.1 / 9 )
San Diego 1.August 2008 
Freitag, August 1, 2008, 04:51 AM
Geschrieben von Administrator
Ciao zämme,
Han entli wider mal ziit für öopis i min blogg z schribe.

Bin letscht Dunnschtig im Sea World gsi,isch cool gsi hät no lässigi Shows mit Tier gha(siehe Bilder Sea World).

Am Fritig simer uf Las Vegas gfahre mit em Auto händ 8 Stund brucht,sind es bitzeli en umwäg gahre:)normal wär 5-6 Std..Las Vegas isch unbeschriblich muess mär eifach gseh un erläbt ha.Händ 42 Grad gha und am Morgä am halbi 4 isch immer no öpe 33 Grad gsi.Euses Hotel (Tropicana) isch guet gläge gsi und hät no en gmüetliche Pool gha wo wenigstens es bitzeli abchüelig bracht hät.Am erschte Abig nach em Chline Usgang han i no gschnäll Roulette gspilt(Mit 20 Dollar agfange uf schwarz und nacher uf rot gsetzt, nach einer Minute 40 Dollar gha und dänn ufs 33 gsetzt was dänn au cho isch...unglaublich und nach 5 Minute mit 500 Dollar dä Tisch verlah:).Das isch mis Abentür gsi i dä Wält vom Zocke in Las Vegas.Am Samschtig simer 6 Stund umegloffe hät mega schöni Hotels mit riiiiiise Ichaufszentre am abig no is Palms inen Club im 53 Stock.Hät no de Playboy club gha 1.Stock wiiter une.

Am Dienstag hät d Erde bebt in San Diego,bin grad i dä schuel gsi im 9.Stock vomene Hochhuus, wo am viertel vor 12 für öpe 6 Sekunde d Erde bebt hät isch schono es mulmigs gfühl wänn mer nöd weis was gnau lauft.Sind dänn für 10 Minute evakuiert worde(sind eimal ums Hochhus gloffe...???)voll stupid.

Geschter Mittwuch bini go es Baseball spiil vo de San Diego Padres go luege.Isch 3 Stund gange(wobi öpe 10 Minute Intressant gsi sind)un händ erscht no verlore.
Hüt am 1.August gahni uf Los Angeles für s Wucheend.
So das wers gsi für hüt,D Föteli chömed es Bitzeli spöter han wenigstens mal es paar druf da(siehe u dä rechte Siite Bilder).
I dem Fall fiired schön de 1.August lönd es paar Ragette für mich ab äsed e Bratwurst oder en Servelat un trinked nöd zvill:).

Schöne 1.August wünscht eu dä Päde.


1978 Kommentare ( 3510 mal gelesen. )   |  Permanentlink   |   ( 2.8 / 6 )

<Zurück | 1 | 2 | Weiter> >>