Paedes Reise-Blog
Yellowstone 
Samstag, September 13, 2008, 07:57 AM
Geschrieben von Administrator
nach 2 Nächt in Seattle(Washington)(isch nüt ufregends gsi han 1.Tag zum erhole brucht und am nächste Tag bini dStadt go aluege) bini witer gfahre richtig Boise(Idaho) woni es Hotelzimmer gno han für 1.Nacht.Am nächste morge isch mini Reis wiiter nach Pocatello(Idaho) gange wo ich ebefalls übernachtet han…(Mis Ziel isch de Yellowstone National Park gsi wo ca.650km vo Seattle entfernt isch darum hani immer 6-8 stündige Autofahrte gmacht)Nach Pocatello(Idaho) isch min letschte halt 80km vorem Yellowstone N.P in Jackson(Wyoming) gsi. Im Yellowstone N.P. hani es Zimmer gmietet für 2 Nächt vom Di bis am Do , am erschte Tag woni durch de N.P gfahre bin richtig Canyon Lodge (isch es Bsuecherzentrum und da isch au mini Unterkunft gsi) hani bereits Bisons, es Elch Mami mit Chind und en Coyote gseh. Am 2.Tag bini am 6i am morge ufgstande um bi morgedämmerig durch de N.P chöne zfahre und es hät sich glohnt scho nach 2Minute fahrt mitem Auto bini ufen grosse Hirsch gstosse wo am Strasserand gfrässe hät(Föteli sind leider nöd eso guet worde wills no chli dunkel gsi isch) isch sehr idrücklich gsi am morge früeh dur de N.P.zfahre hät ab und zue es anders Auto gha aber suscht hani die einzigartigi rueh und Natur chöne gnüsse…bin dänn no uf Bisons und Reh gstosse…uf minere wiitere fahrt. Bin im ganze 8 Stund im N.P.umegfahre hät en guete Rundkurs gha wo mi um de ganz Park gfüert hät...
am Dunnschtig morge bini richtig Gillette(Wyoming)gfahre han 7 e halb stund brucht..und han wider mal müesse über 7 Berge fahre bisi entli dete gsi bin , aber isch intressant gsi han sogar Schnee gseh...
1 Kommentar ( 54 mal gelesen. )   |  Permanentlink   |   ( 2.9 / 2397 )
Reedwood 
Mittwoch, September 3, 2008, 05:34 AM
Geschrieben von Administrator
4.+5.Tag South Lake Tahoe-Eureka-Redwood N.P.-Gold Beach
...Bin am Männtig mittag vo Tahoe abgfahre und bin zerscht mal im Stau gstande han über de Berg müesse und bin i 3Std. 20km wiit cho.Nach ca. 15km bini 40 minute still gstande..isch nütmeh vorwärts gange.Han nacher au gseh wieso, hät en Töffunfall gha(also ich glaub es isch mal en Töff gsi,mer häts nüme so ganz erkännt..)han dänn no müesse ide Nacht Berg und Tal fahrt mache isch über 7 Berge ine gange.Bin mal no recht nervös worde mis Navisystem hät no 40 km azeigt bis zum Ziel und s Auto hät gmeint ich chömi no 58km wiit aber das hät halt nöd gwüsst das es dä Berg uf gaht.Es hät sich dänn mal optisch bemerkbar gmacht das es langsam knapp wird mit em Benzin und nacheme zitli häts dänn no Akustisch uf sich ufmerksam gmacht.Bin irgendwo über Berge ine wiit und breit keis Huus und kei Zivilisation und mis Auto hät bald mal Benzin brucht.Han also scho chli afange schwitze und ghofft das i no über de Berg chume, zum Glück isches bald Berg abgange und ich han chöne ufschnufe hans dänn au no bis ad Tankstell gschafft warschindli mit em letschte Tropfe..Nach müesame,ufregende,heikle 11 Stund autofahrt bini in Eureka acho und han mi ufs Bett greut.Han gar kei Föteli gmacht am 4.Tag drum hätsau kein Ordner mit em 4.Tag ide Bilder Gallery.
Hüt am morge am 9i bini vo Eureka de Küste nah zum Redwood N.P.gfahre isch mega idrücklich gsi die schön Pazific Küste und die riisige Mammutbäum sind sehr idrücklich gsi..han leider au hüt kei grossi Tier gseh,aber Bäum sind sehr idrücklich gsi sind ca.95Meter höch händ en Durchmesser vo ca.12Meter und sind öppe 3200Jahr alt...Nach 6 Stund bini uf Gold Beach gfahre han hüt nöd e zgrossi Reis welle mache isch 2 Stund vom N.P.entfernt und han au grad no de Bundesstaat California verlah bin jetzt im Bundesstaat Oregon...


5469 Kommentare ( 742 mal gelesen. )   |  Permanentlink   |   ( 3 / 1808 )
San Francisco 
Mittwoch, September 3, 2008, 04:47 AM
Geschrieben von Administrator
2.+ 3.Tag San Francisco-Mariposa-Yosemite-Tahoe

Bin am Samschtig vormittag richtig San Francisco gfahre han ca. 1 1/2 Std. brucht.In San Francisco hani welle inere Jugi Übernachte wo mis California-Reiseführer Buech vorgschlage hät isch aber leider usbuecht gsi.Dänn han mi uf de wäg an Hafe gmacht woni wiiteri Jugis und Hotel abklapperet han,d Jugis sind al usbuecht gsi und s Hotel hät rund 200.- kostet pro Nacht(isch ebe am Männtig Labor-DAY isch wie 1.Mai ide Schwiiz drum isch die ganz Stadt so usbuecht und voll gstopft gsi.200.- Dollar sind mer dänn doch chli z vill gsi drum han mi beschlosse d Stadt chli a zluege(han de 49mile Drive gmacht isch e usgschildereti Route wo mer verschideni Sache Goldengate Bridge etc.. aluege chan) und nacher wiiter richtig Yosemitepark fahre.Am 5i am abig han mi uf de wäg richtig Yosemite Nationalpark gmacht han 5 Std fahrt vor mir gha.Woni am halbi 11 am abig in Mariposa(isch ca.15km vom Natinalpark entfernt)acho bin hani wider imene Hotel wo min Reiseführer vorgschlage hät welle es Zimmer neh aber die sind usbuecht gsi und de Typ vom Hotel hät gseit ich müessi 60km zrugg fahre es hegi im ganze Dorf kei Hotelzimmer meh frei...hans em nöd welle glaube will ich bin recht müed gsi und het nüme möge 60km ide Nacht zrugg fahre.Also bini ines anders Hotel go fröge das isch zwar au usbuecht gsi aber die Frau vom Hotel hät mer en Zettel mit verschidene Hotels vom Dorf geh wo evtl.no freii Zimmer chöntet ha.Aber isch würkli s ganze Dorf usbuecht gsi,tja isch halt Laborday-Weekend.Bin aber so müed gsi das i numal zu dere Frau Retour bin und si gfrögt han öbs nöd e nöcheri möglichkeit git zum Übernachte,dänn hät si mir e Adresse vo einer geh wo ca 5 km entfernt e Residenz hät.Mit voller Hoffnig han mi uf de Wäg gmacht richtig dere Residenz han si zerscht nöd gfunde will si ganz abgläge uf dere Strass richtig Nationalpark isch, hät nur die Residenz und rundume nüt meh usert Natur.Woni acho bin han si nacheme Zimmer gfröget und sie hät gseit ich müessi gschnäll warte sie müessi no 2ne Gäst ihres zimmer zeige.Nach 15 Minute wo si wider cho isch hät si mir abote i ihrem Bett z schlafe und si schlafi uf em Sofa,hani natürli dankend agno.Isch zwar keis 4 Stern Hotel gsi aber han wenigstens es Bett gha für die Nacht.Woni is Badzimmer go Zähputze bin isch hinderem WC-Spüelkaste es Müsli füre z ränne cho,also isch no lustig gsi.
Keithy so hät die lieb Frau gheisse isch ca.50-60 Jahr alt gsi(isch die ufem Föteli)han mi herzlich bi ihre bedankt will si hät mi Gratis bi Ihre wohne la.
Sunntig morge früeh han mi uf de Wäg richtig Yosemite N.P.gmacht woni wunder schöni Ussichte han chöne gnüsse han nur ganz en chline Teil vom Park agluegt aber doch 6.Std verbracht, isch alles mit em Auto befahrbar gsi.am halbi 3 am Mittag han mi dänn uf dä weg richtig South Lake Tahoe gmacht isch 5std.entfernt gsi han also wider ä langi Autofahrt vor mir gah.Am 8 acho bini ines Motel go übernachte bin wider sehr müed gsi und han beschlosse am Männtig bis am 11i am morge zschlafe das i mal erholt bin.Im Motel hani uf minere Charte gluegt woni als nächstes ane will und han mi für de Redwood Nationalpark entschide.I dem Motel woni gsi bin heisst Motel6 das isch sone Motelketti in Amerika,also hani gluegt was am nöchste vom Redwood N.P.entfernt isch und bin uf Eureka gstosse(isch 25km vom N.P.entfernt ade Küste oberhalb San Francisco)Also han mi am Männtig morge uf de Wäg gmacht......
3 Kommentare ( 65 mal gelesen. )   |  Permanentlink   |   ( 3 / 66 )
Santa Cruz Sa.30.8.08 
Montag, September 1, 2008, 07:25 AM
Geschrieben von Administrator
2.Tag Santa Cruz California

Bin hüt morgä(Sa.30.8.) am 9i as Meer gfahre ad Santa Cruz Wharf(isch es grosses Pier mit Restaurant und Läde)dete hani zmorg gässe(Rührei mit Speck und Käse und Herdöpfel,so richtig gsund).Das Pier isch mega lang ca.500 Meter und underem Pier häts ganz vill Seehünd wo sich usruehed und ganz vill lärm mached(Han uf Facebook.com en Video inegstellt aber live ischs no lüter gsi).Nacher ischs mit em Auto ade Küste nah wiiter richtig Norde gange(isch leider au hüt nöd so schöns Wetter gsi) wo i Surfer Fotografiere han chöne.
kommentieren ( 44 mal gelesen. )   |  Permanentlink   |   ( 3 / 1850 )
Santa Cruz 
Samstag, August 30, 2008, 06:17 AM
Geschrieben von Administrator
Salü mitenand,
Han jetzt scho 8 Wuche in San Diego verbracht.Isch e Intressanti ziit gsi woni vill lässigi lüt känne glernt han.D schuel isch die Wuche z end gange und jetzt chunt mini Reiseziit dra.Bin hüt am morge Fr.29.Aug.am halbi 8 mit eme Mietauto vo San Diego abgfahre richtig San Francisco,nach 9 Stund und 800 km bini in Santa Cruz acho.Han da es Motelzimmer gno und wird morn wiiter richtig San Francisco fahre.Bin hüt scho mal gschnell am Meer gsi go luege was mi morn erwartet,aber han nöd vill gseh es hät leider Nebel gha.

Wird bis am 26.September ällei uf minere Reis si wo über,
San Francisco,Seattle,Washington,Montana,
South Dakota,Idaho,Utah,Arizona,Denver,Phoenix,Tucson und Retour uf San Diego gaht.Wird alles sehr spontan entscheide aber das isch mini Reiseroute woni ungefähr möcht mache...
Gahne am 26.September Retour uf San Diego woni no e wuche wird verbringe bevor i heichume.Ja Ziit gaht rächt schnell verbi für mich,han jetzt scho 2/3 hinder mir.Aber gnüsse jetzt zerscht mini Reis und dänn freui mi uf de 4.Oktober wänni wider heichume...
2542 Kommentare ( 21841 mal gelesen. )   |  Permanentlink   |   ( 3 / 1031 )

<Zurück | 1 | 2 | Weiter> >>